ಸ್ಥಾಪನೆ: 1999

• ಯಕ್ಷಗಾನ ಕಲಾರಂಗವು ನವೆಂಬರ್ 15, 1998 ರಂದು ಡಾ. ಬಿ.ಬಿ. ಸಂಸ್ಮರಣೆಯ ಸಂದರ್ಭದಲ್ಲಿ ಉದ್ಯಾವರ ಮಾಧವ ಆಚಾರ್ಯ ರವರಿಂದ ಪ್ರೊ. ಬಿ.ವಿ.ಆಚಾರ್ಯ ದತ್ತಿ ನಿಧಿ ಉದ್ಘಾಟನೆ ಮಾಡಿ ಯಕ್ಷಗಾನ ಕಲಾವಿದರ ಏಳಿಗೆಗೆ ಪ್ರಥಮ ಮುನ್ನುಡಿ ಬರೆಯಿತು.
• ಫೆಬ್ರವರಿ 7, 1999 ರಂದು ಯಕ್ಷಗಾನ ವೃತ್ತಿ ಮೇಳಗಳ ಯಜಮಾನರ ಸಮಾವೇಶ ಅಂಬಲಪಾಡಿ ದೇವಳದಲ್ಲಿ ಕಲಾವಿದರ ಕ್ಷೇಮ ಚಿಂತನೆಗಾಗಿ ವಿವಿಧ ಯೋಜನೆಗಳ ಬಗ್ಗೆ ಚರ್ಚಿಸಿತು. ಈ ಉದ್ದೇಶದಿಂದ ಮೇ 5. 1999 ರಲ್ಲಿ ಯಕ್ಷನಿಧಿ ಸ್ಥಾಪನೆ ಮಾಡಿ 10 ಮಂದಿ ತೆಂಕು – ಬಡಗುತಿಟ್ಟುಗಳ ಶ್ರೇಷ್ಠ ಕಲಾವಿದರ ಫೊಟೋಗುಚ್ಚಗಳನ್ನು ಮಾರಾಟ ಮಾಡಿ ಯಕ್ಷನಿಧಿಗೆ ಒಂದು ಲಕ್ಷ ರೂಪಾಯಿ ಧನ ಸಂಗ್ರಹ ಮಾಡುವ ಯೋಜನೆ ರೂಪಿಸಿತು.
• ಅಕ್ಟೋಬರ್ 25,1999 ರಲ್ಲಿ ಶ್ರೀ ಪುತ್ತಿಗೆ ಮಠದ ಸಭಾಂಗಣದಲ್ಲಿ ಯಕ್ಷಗಾನ ವೃತ್ತಿ ಕಲಾವಿದರ ಪ್ರಥಮ ಸಮಾವೇಶ ಹಿರಿಯ ಯಕ್ಷಗಾನ ಕಲಾವಿದ ಕೆ. ಗೋವಿಂದ ಭಟ್  ಇವರ ಉಪಸ್ಥಿತಿಯಲ್ಲಿ ಜರಗಿತು.
• ಏಪ್ರಿಲ್ 25, 2000 ರಂದು 165 ಜನ ಯಕ್ಷನಿಧಿ ಸದಸ್ಯರಿಗೆ ಅಂಬಲಪಾಡಿ ಲಯನ್ಸ್ ಕ್ಲಬ್ ವತಿಯಿಂದ ಪ್ರಾಯೋಜಿಸಲ್ಪಟ್ಟ ‘ ಗುಂಪು ವಿಮೆ ’ ಉದ್ಘಾಟನೆಗೊಂಡಿತು.
• ಜುಲೈ 7, 2000 ರಲ್ಲಿ ಜರಗಿದ ಸಂಸ್ಥೆಯ ರಜತೋತ್ಸವ ಸಂದರ್ಭದಲ್ಲಿ 25 ಮಂದಿ ಹಿರಿಯ ಕಲಾವಿದರಿಗೆ ತಲಾ ರೂ. 5000 ನಗದು ಪುರಸ್ಕಾರದೊಂದಿಗೆ ಪ್ರಶಸ್ತಿ ನೀಡಿ ಗೌರವಿಸಲಾಯಿತು.
• 1999 – 2000 ರ ಮೇಳಗಳ ತಿರುಗಾಟದ ಸಂದರ್ಭದಲ್ಲಿ ಎಲ್ಲಾ ಮೇಳಗಳನ್ನು ಸಂಸ್ಥೆಯ ಪದಾಧಿಕಾರಿಗಳು ಹಲವಾರು ಬಾರಿ ಸಂಪರ್ಕಿಸಿ ಅವರನ್ನು ಯಕ್ಷನಿಧಿಯ ಸದಸ್ಯರಾಗುವಂತೆ ವಿನಂತಿಸಿಕೊಂಡು 200ಕ್ಕೂ ಮೇಲ್ಪಟ್ಟು ವೃತ್ತಿ ಕಲಾವಿದರನ್ನು ಸದಸ್ಯರನ್ನಾಗಿ ನೊಂದಾಯಿಸಿಕೊಳ್ಳಲಾಯಿತು.
• ಪ್ರತೀ ವರ್ಷ ಮೇ 31 ರಂದು ಕಲಾವಿದರ ಸಮಾವೇಶ ನಡೆಸಿ ಕಲಾವಿದರ ಆರೋಗ್ಯ ತಪಾಸಣೆ, ವೈದ್ಯಕೀಯ ಸೌಲಭ್ಯ, ವೃತ್ತಿ ಬದುಕಿಗೆ ಪೂರಕವಾಗುವ ಕಾರ್ಯಾಗಾರ, ಕಲಾಪ್ರದರ್ಶನ ಏರ್ಪಡಿಸಿ ಕಲಾವಿದರಿಗೆ ಉಪಯುಕ್ತವಾಗುವ ಉಡುಗೊರೆ ನೀಡುತ್ತಾ ಬಂದಿದೆ.
• ಕಲಾವಿದರಿಗೆ ರೂ. ಒಂದು ಲಕ್ಷ ರೂಪಾಯಿ ಜೀವನ್ ಆನಂದ್ ವಿಮಾಯೋಜನೆ ರೂಪಿಸಿದ್ದು ಆರಂಭದಲ್ಲಿ ವಿಮಾಕಂತಿನ ಅರ್ಧಾಂಶ ಮೊತ್ತವನ್ನು ಸಂಸ್ಥೆ ನೀಡುತ್ತಾ ಬಂದಿದೆ.
• ಪ್ರತೀ ವರ್ಷ ಕಲಾವಿದರಿಗೆ ಅವರ ವಿಳಾಸ ದೂರವಾಣಿ ಸಂಖ್ಯೆಯನ್ನು ಹೊಂದಿದ ಡೈರಿ ವಿತರಿಸಲಾಗುತ್ತಿದೆ.
• ವೃತ್ತಿ ಕಲಾವಿದರಿಗೆ ಕೆನರಾ ಬಸ್ ಮಾಲಕರ ಸಂಘದಿಂದ ಶೇಕಡಾ 50 ರಿಯಾಯಿತಿ ದರದ ಬಸ್ ಪಾಸ್ ವ್ಯವಸ್ಥೆಗೊಳಿಸಿದೆ.
• ಹೊರನಾಡು ಅನ್ನಪೂರ್ಣೇಶ್ವರಿ ದೇವಳದ ಪ್ರಾಯೋಜಕತ್ವದಲ್ಲಿ ಮಕ್ಕಳಿಗೆ ವಿದ್ಯಾರ್ಥಿವೇತನ ನೀಡಲಾಗುತ್ತಿದೆ.
• ಐವರು ಕಲಾವಿದರಿಗೆ ಮನೆ ನಿರ್ಮಿಸಲಾಗಿದೆ.
• ವರದಿ ವರ್ಷದಲ್ಲಿ ನಲವತ್ತೊಂದು ಮಂದಿ ಹೊಸದಾಗಿ ಸದಸ್ಯತ್ವ ಪಡೆದಿರುತ್ತಾರೆ. ಪ್ರಸ್ತುತ ಒಟ್ಟು 1136 ಅಜೀವ ಸದಸ್ಯರಿದ್ದಾರೆ.
• 2021-22 ನೇ ಸಾಲಿನಲ್ಲಿ ತುರ್ತು ವೈದ್ಯಕೀಯ ನೆರವಾಗಿ 21 ಕಲಾವಿದರಿಗೆ ರೂ. 4, 45,250. ನೀಡಿರುತ್ತೇವೆ.
• 2021-22 ನೇ ಸಾಲಿನಲ್ಲಿ ನಿಧನ ಹೊಂದಿದ 4 ಮಂದಿ ಕಲಾವಿದರ ಕುಟುಂಬಕ್ಕೆ ಸಾಂತ್ವನದ ನೆರವು ರೂ. 2,00,000/- ವಿತರಿಸಿದ್ದೇವೆ.
• 05.2022 ರಂದು ಜರಗಿದ ಕಲಾವಿದರ ಸಮಾವೇಶದಲ್ಲಿ 700 ಕಲಾವಿದರಿಗೆ ತಲಾ 500 ರೂಪಾಯಿ ಮೌಲ್ಯದ ಉಡುಗೊರೆ ನೀಡಿರುತ್ತೇವೆ.
• ಕೊರೋನಾ ಸಂಕಷ್ಟದ ಸಂದರ್ಭದಲ್ಲಿ ವೃತ್ತಿನಿರತ 409 ಮಂದಿ ಅಶಕ್ತ ಕಲಾವಿದರಿಗೆ ತಲಾ 2,500/- ರೂಪಾಯಿಯಂತೆ ಒಟ್ಟು ರೂಪಾಯಿ 10, 22,500/- ಅವರ ಖಾತೆಗೆ ನೇರ ವರ್ಗಾವಣೆ ಮಾಡಿರುತ್ತೇವೆ.